सावधानता आणि सुरक्षित डिजिटल सवयींचे महत्त्व पटवून देत जीजाऊ इंग्लिश स्कूलमध्ये विद्यार्थ्यांना सायबर सुरक्षेबाबत संवादात्मक पद्धतीने मार्गदर्शन करण्यात आले.
नळेगाव : वाढत्या सायबर गुन्ह्यांच्या पार्श्वभूमीवर जीजाऊ इंग्लिश स्कूल, नळेगाव येथे विद्यार्थ्यांसाठी सायबर सुरक्षा जनजागृतीपर उपक्रम घेण्यात आला. यावेळी विद्यार्थ्यांना ऑनलाइन फसवणुकीचे विविध प्रकार, सोशल मीडियाचा सुरक्षित वापर तसेच डिजिटल व्यवहार करताना घ्यावयाच्या खबरदारीबाबत मार्गदर्शन करण्यात आले.
यावेळी ओटीपी, पासवर्ड, बँक खात्याची माहिती आणि वैयक्तिक माहिती कोणालाही शेअर करू नये, अनोळखी किंवा संशयास्पद लिंकवर क्लिक करू नये, तसेच संशयास्पद फोन, संदेश आणि आकर्षक ऑनलाइन ऑफर्सपासून सावध राहावे, असे आवाहन विद्यार्थ्यांना करण्यात आले.
या उपक्रमात सायबर वॉरियर्स अविष्कार कांबळे, आयुष जोशी आणि श्रेयस माकणे यांनी विद्यार्थ्यांशी संवाद साधत सायबर सुरक्षेचे महत्त्व स्पष्ट केले. दैनंदिन डिजिटल व्यवहारांमध्ये कोणती काळजी घ्यावी आणि संभाव्य सायबर फसवणूक टाळण्यासाठी कोणत्या सुरक्षित सवयी अंगीकाराव्यात, याबाबत विद्यार्थ्यांना माहिती देण्यात आली.
उपक्रमादरम्यान विद्यार्थ्यांनी उत्स्फूर्त सहभाग नोंदवत विविध प्रश्न विचारले. संवादात्मक पद्धतीने झालेल्या या मार्गदर्शनामुळे विद्यार्थ्यांना डिजिटल सुरक्षेबाबत अधिक जागरूक होण्यास मदत झाली.
“सावधानता, जागरूकता आणि सुरक्षित डिजिटल सवयी यामुळेच सायबर गुन्ह्यांना आळा घालता येईल,” असा संदेश या उपक्रमातून देण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
