“माझा डेटा, माझी जबाबदारी” या संदेशातून विद्यार्थ्यांना ओटीपी, पासवर्ड, बँक खात्याची व वैयक्तिक माहिती सुरक्षित ठेवण्याचे आवाहन करण्यात आले.
वाढत्या सायबर गुन्ह्यांच्या पार्श्वभूमीवर राजर्षी शाहू महाविद्यालय, लातूर येथे एक हजारहून अधिक विद्यार्थ्यांना सायबर सुरक्षा जनजागृतीचा संदेश देण्यात आला. यावेळी विद्यार्थ्यांना ऑनलाइन फसवणूक, ओटीपी फसवणूक, फिशिंग लिंक, बनावट फोन कॉल, सोशल मीडिया फसवणूक आणि डिजिटल व्यवहारातील सुरक्षिततेबाबत मार्गदर्शन करण्यात आले.
क्विक हील फाउंडेशन, महाराष्ट्र सायबर आणि राजर्षी शाहू महाविद्यालय, लातूर यांच्या संयुक्त विद्यमाने राबविण्यात येणाऱ्या सायबर जनजागृती उपक्रमांतर्गत हा कार्यक्रम घेण्यात आला. डिजिटल व्यवहार करताना ओटीपी, पासवर्ड, बँक खात्याची माहिती तसेच वैयक्तिक माहिती कोणत्याही अनोळखी व्यक्तीसोबत शेअर करू नये, असे आवाहन विद्यार्थ्यांना करण्यात आले.
या उपक्रमात सायबर वॉरियर्स अविष्कार कांबळे, नरेश पंडित, आयुष जोशी, श्रेयस माकणे आणि प्राची भोसले यांनी सहभाग घेत विद्यार्थ्यांना विविध सायबर धोक्यांपासून सुरक्षित राहण्याबाबत माहिती दिली.
ऑनलाइन व्यवहार करताना सतर्कता बाळगणे, संशयास्पद लिंकवर क्लिक न करणे, अनोळखी फोन कॉल किंवा संदेशांना प्रतिसाद देताना काळजी घेणे आणि वैयक्तिक माहिती सुरक्षित ठेवणे याबाबत विद्यार्थ्यांना मार्गदर्शन करण्यात आले.
“माझा डेटा, माझी जबाबदारी; सुरक्षित डिजिटल व्यवहार हीच काळाची गरज,” असा संदेश या उपक्रमातून विद्यार्थ्यांना देण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
