राजर्षी शाहू महाविद्यालयात डॉ. महादेव गवाणे यांच्यासोबत सायबर सुरक्षेबाबत संवाद
सायबर जनजागृतीच्या पुढील वाटचालीवर चर्चा; लाईव्ह हॅकिंग डेमोद्वारे आधुनिक धोक्यांची जाणीव
लातूर : राजर्षी शाहू महाविद्यालय, लातूर येथे क्विक हील फाऊंडेशनच्या वतीने सायबर सुरक्षा जनजागृतीच्या पुढील वाटचालीबाबत महत्त्वपूर्ण संवाद आयोजित करण्यात आला. यावेळी तुषार वाघमारे, साहिल जाधव आणि आदित्य माने यांनी महाविद्यालयाचे प्राचार्य डॉ. महादेव गवाणे यांच्यासोबत सायबर सुरक्षा जनजागृतीबाबत सविस्तर चर्चा केली.
भविष्यात सायबर सुरक्षेबाबत आणखी कोणते उपक्रम राबविता येतील, अधिकाधिक विद्यार्थी आणि नागरिकांपर्यंत सायबर सुरक्षेची जनजागृती कशी पोहोचविता येईल, तसेच डिजिटल सुरक्षेबाबत प्रभावी मार्गदर्शन कसे करता येईल, यावर यावेळी चर्चा झाली. क्विक हील फाऊंडेशनच्या टीमकडून राबविण्यात येणाऱ्या विविध जनजागृती उपक्रमांची माहितीही डॉ. गवाणे यांना देण्यात आली.
दरम्यान, डॉ. गवाणे यांनी लाईव्ह हॅकिंगचे प्रात्यक्षिक पाहण्याची इच्छा व्यक्त केली. त्यानंतर टीमने लाईव्ह हॅकिंगचे डेमो सादर करून डिजिटल जगातील संभाव्य धोक्यांची प्रत्यक्ष उदाहरणांद्वारे जाणीव करून दिली.
प्रात्यक्षिकातून डिजिटल सुरक्षेचे विविध पैलू समजून घेतल्यानंतर विद्यार्थ्यांना अशा विषयांबाबत लवकर जागरूक करणे आवश्यक असल्याचे मत डॉ. गवाणे यांनी व्यक्त केले. सायबर सुरक्षेबाबत प्रत्यक्ष अनुभवाच्या माध्यमातून दिलेले मार्गदर्शन विद्यार्थ्यांसाठी उपयुक्त ठरू शकते, असेही त्यांनी नमूद केले.
यावेळी ऋषिकेश मांखरी, यश मेंडीकर, ओम भालचंद्र जाधव, हर्ष कारंडे, साहिल जाधव, कृष्णा पोद्दार आणि आदित्य माने यांच्यासह संपूर्ण टीम उपस्थित होती.
डॉ. महादेव गवाणे यांनी टीमच्या सायबर सुरक्षा जनजागृतीच्या कार्याचे कौतुक करून सर्वांना पुढील वाटचालीसाठी शुभेच्छा दिल्या.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
