संत मुक्ताबाई महाविद्यालय, मुक्ताईनगर येथे श्री. गोपाळ चौधरी यांच्या सेवानिवृत्ती निमित्त भावनिक निरोप समारंभ संपन्न; शिक्षक व कर्मचाऱ्यांची उपस्थिती.
मुक्ताईनगर येथील संत मुक्ताबाई कला, वाणिज्य आणि विज्ञान महाविद्यालयात आज श्री. गोपाळ कोंडाजी चौधरी यांच्या सेवानिवृत्ती निमित्त भावनिक निरोप समारंभ उत्साहात पार पडला. कार्यक्रमाच्या अध्यक्षस्थानी प्राचार्य डॉ. आय. डी. पाटील होते, तर सूत्रसंचालन डॉ. प्रसन्न देशमुख यांनी केले.
कार्यक्रमाची सुरुवात मान्यवरांच्या उपस्थितीत झाली. आपल्या ३५ वर्षांच्या प्रदीर्घ सेवाकाळात श्री. चौधरी यांनी संयम, शांतता, प्रामाणिकता, तत्वनिष्ठा, कर्तव्यदक्षता आणि जबाबदारी यांसारख्या गुणांच्या बळावर संस्थेत आपली वेगळी ओळख निर्माण केली असल्याचे वक्त्यांनी अधोरेखित केले.
यावेळी अमोल राजपूत, डॉ. के. पी. पाटील, डॉ. पंचशीला वाघमारे, डॉ. संदीप माळी, डॉ. रमेश शेवाळे, श्री. प्रदीप पाटील, कार्यालय अधीक्षक श्री. जगदीश सिसोदिया, प्रा. भारती बैरागी, प्रा. संजय सैंदाने आदींनी आपल्या मनोगतातून श्री. चौधरी यांच्या कार्याचा गौरव केला. अध्यक्ष प्राचार्य डॉ. आय. डी. पाटील यांनीही आपल्या भाषणातून त्यांच्या योगदानाचा विशेष उल्लेख करत त्यांना पुढील आयुष्यासाठी शुभेच्छा दिल्या.
कार्यक्रमात श्री. चौधरी यांचे सुपुत्र हर्षल यांनीही मनोगत व्यक्त करत वडिलांच्या कार्याचा अभिमान व्यक्त केला. यावेळी पत्नी अलका, मुलगा आणि सून उपस्थित होते.
आपल्या उत्तरपर भाषणात श्री. गोपाळ चौधरी यांनी ३५ वर्षांच्या सेवेत संस्थेने दिलेल्या सहकार्याबद्दल कृतज्ञता व्यक्त केली. त्यांनी संस्था चालक, सहकारी शिक्षक व शिक्षकेत्तर कर्मचाऱ्यांचे मनःपूर्वक आभार मानले.
या कार्यक्रमाला महाविद्यालयातील शिक्षक व शिक्षकेत्तर कर्मचारी मोठ्या संख्येने उपस्थित होते. शेवटी आभार प्रदर्शनानंतर अल्पोपहाराने कार्यक्रमाची सांगता झाली. उपस्थितांनी श्री. चौधरी यांना भावनिक निरोप देत त्यांच्या पुढील आयुष्यासाठी सदिच्छा व्यक्त केल्या.
कौस्तुभ शिंदे हे स्थानिक समाचार डिजिटल मिडिया चे संपादक असुन यांना पत्रकारितेचा १० वर्षाचा अनुभव आहे. कौस्तुभ शिंदे हे स्थानिक समाचार डिजिटल मीडिया चे सक्रिय योगदानकर्ता असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपल्या परिसरातील बातम्या आणि जाहिरातींकरिता संपर्क करावा-
मो. क्र. +917507502989
ईमेल – sthaniksamacharbharat@gmail.com
