उद्योजकांनो, आता आपली उत्पादने ऑनलाइन विका! अण्णासाहेब पाटील महामंडळाच्या बिझनेस प्रमोशन सुविधेची सविस्तर माहिती आणि डिजिटल प्रशिक्षणाबाबत जाणून घेण्यासाठी येथे क्लिक करा.
अण्णासाहेब पाटील आर्थिक मागास विकास महामंडळामार्फत केवळ आर्थिक सहाय्य पुरविण्यापुरते मर्यादित न राहता लाभार्थ्यांना सक्षम उद्योजक बनविण्यावर विशेष भर दिला जात आहे. त्यासाठी आधुनिक डिजिटल सुविधा व प्रशिक्षण उपक्रमांची प्रभावी अंमलबजावणी करण्यात येत आहे.
महामंडळाच्या अधिकृत पोर्टलवरील Business Promotion (Marketing Tab) या सुविधेद्वारे लाभार्थ्यांना त्यांच्या उत्पादनांची माहिती, फोटो, किंमत व संपर्क तपशील अपलोड करण्याची संधी उपलब्ध करून देण्यात आली आहे. सध्या या प्लॅटफॉर्मवर २७,५०० हून अधिक व्यवसायांची नोंदणी पूर्ण झाली असून स्थानिक उत्पादनांना डिजिटल बाजारपेठ मिळत आहे. यामुळे “लोकल ते ग्लोबल” ही संकल्पना प्रत्यक्षात साकारली जात आहे.
लाभार्थ्यांना व्यवसाय कौशल्ये वाढवण्यासाठी वेबिनार, YouTube व पॉडकास्टच्या माध्यमातून व्यवसाय व्यवस्थापन, डिजिटल मार्केटिंग, ग्राहक सेवा व आर्थिक नियोजन याबाबत प्रशिक्षण दिले जात आहे. ग्रामीण व दुर्गम भागातील उद्योजकांनाही या उपक्रमांचा मोठा फायदा होत आहे.
याशिवाय DigiLocker सेवेमुळे कागदपत्र पडताळणी प्रक्रिया अधिक सोपी व वेगवान झाली आहे. भविष्यात Payment Gateway, तसेच MAHA-ID आणि UIDAI एकत्रीकरण करण्याचे नियोजनही करण्यात येत आहे.
या सर्व उपक्रमांमुळे लाभार्थ्यांना व्यवसाय वृद्धीसाठी सर्वंकष पाठबळ मिळत असून, अधिकाधिक लाभार्थ्यांनी या सुविधांचा लाभ घ्यावा, असे आवाहन महामंडळाचे जिल्हा समन्वयक दिपक बोरसे यांनी प्रसिद्धीपत्रकाद्वारे केले आहे.
कौस्तुभ शिंदे हे स्थानिक समाचार डिजिटल मिडिया चे संपादक असुन यांना पत्रकारितेचा १० वर्षाचा अनुभव आहे. कौस्तुभ शिंदे हे स्थानिक समाचार डिजिटल मीडिया चे सक्रिय योगदानकर्ता असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपल्या परिसरातील बातम्या आणि जाहिरातींकरिता संपर्क करावा-
मो. क्र. +917507502989
ईमेल – sthaniksamacharbharat@gmail.com
